Asfaltos del Nalón

Bezeroaren datuak

Izen komertziala: Asfaltos del Nalón.
Helbidea: Langreo, Asturias.
Jarduera: Asfaltozko aglomeratuen ekoizpena.

Aurrekariak

Asfalto-planta batek energiaren, ingurumenaren eta erregai-kontsumoaren aldetik dituen eskakizunak oso handiak dira. Alde batetik, energia ugari behar da ekoizpen kate osoan zehar, erregai bolumen handiak behar direlako. Bestetik, ingurumen eskakizun berriek isurpen mugak dakartzate apurka-apurka eta araudia betetzeko egokitzapenak egitera behartzen dituzte enpresak.

Edozein ikuspegitatik begiratuta, Asfaltos del Nalonen argi zuten energia berri batera pasatu behar zirela: alde batetik, merkatuan lehiakorragoak izateko, energia aurreztuz eta erregaiak biltegiratzeko eta ontziz aldatzeko beharrizana murriztuz; bestetik, ingurumen-arloko araudi berrietara egokitzeko. Horrenbestez, haien ekoizpen katea gas naturalaren erabilerara egokitzea erabaki zuten.

Egungo instalazioa

Asfaltos del Nalonen instalazioak erregailu bat zeukan lehorketa- eta nahasketa-danborrean, erregai gisa fuel-olioa erabiltzen zuena. Horrez gain, lurrun-andelak zeuzkaten hura aurretik berotzeko.

Ekipamendu zaharrak ordezkatu behar zituztela aprobetxatuz, planta barruko beste batzuk berritu zituzten, fuel-olioaren biltegia kentzeko. Horri esker, leku gehiago irabazi zuten ekoizpenerako eta biltegiratzeko. Era berean, Asfaltos del Nalonek alde batera utzi zuen erregai maila berrikusteko eta hornitzaileekin entregak programatzeko ardura.

Azkenik, oso kontsumo handia egiten zutenez, aldaketak eragin ekonomiko handia izan du. Hala, enpresa lehiakorragoa da orain eta egungo isurpen mailetara egokitzen da.

Eskainitako irtenbidea

Asfaltos del Nalonerako egindako azterlanetik abiatuz, honako hauek egin ziren bertako instalazioak hobetzeko:

Planta berri bat instalatu da, errendimendu hobea lortzeko, isurpenak desagerrarazteko eta zarata murrizteko.
Nortegasen goi-presioko sarearen luzapenetik abiatuz diseinatu da instalazioa, industrialdearen sarreran baitago sarearen luzapena eta beraz, jada ez da beharrezkoa erregaia biltegiratzea.
Instalazio berriak sarrerako presioa murrizten duen erregulazio- eta neurketa-estazio bat dauka. Hala, goi-presiotik kontsumorako gailuek behar duten presiora pasatzen da eta plantan ekoizpenerako ekipamendu gehiago edo gas naturala behar duten beste instalazio batzuk jartzeko ahalmen nahikoa du.

Emaitzak

Asfaltos del Nalón, gracias al gas natural, obtuvo las siguientes ventajas:

% 25ean murriztu dituzte CO₂ isurpenak, araudi berrietara egokitzeko.
% 32,5 aurreztu dute dirutan, erregaietan hain zuzen ere, haien produktuak lehiakorragoak izateko.
Garbitasuna eta erabiltzeko erraztasuna. Orain ez dituzte erregai-deposituak bete behar, Nortegasen gas naturalaren sarera konektatuta baitaude zuzenean.
Kutsadura akustikoaren maila murriztu dute.

% 25ean murriztu dituzte isurpenak

% 32,5 aurreztu dute dirutan

Harremanetarako

Nortegasen zure instalazioa modurik eraginkorrenean egiten lagunduko dizugu. Jada gas naturalaren instalazioa baduzu, zure instalazioak prozesu berrietara egokitzen lagunduko dizugu, gure instalatzaile homologatuen eta gasean oinarritutako aukeretan esperientzia zabala duen talde handi baten laguntzarekin.

Inolako instalaziorik ez baduzu, zure beharrizanetara egokitutako azterlan pertsonalizatua egingo dizugu. Sistemaz aldatzeko edo instalazio berria egiteko ideia buruan baduzu, zure esanetara jarriko dugu gure aditu taldea, zu aholkatzeko.